Facebook Account Ko Secure Kaise Kare

How To Secure
Facebook Account

Friends jaisa ki aapne bhi padha hoga ki facebook ko user ka personally data share karne ke liye penalize kiya jaa chuka hai. Jis data ka misuse usne kiya hai, woh aapka data bhi ho sakta hai. Iske alawa other facebook user se bhi aapko data hacking ka khatra hota hai. Isliye ye jaruri hai ki Hum Apne Facebook account data ko secure kare.

But many user ye baat nahi jaante hain ya fir facebook security ki taraf dhyaan nahi dete hain. Isliye aaj me apne blog readers ka dhyaan is taraf dilana chahta hun ki kaise ham apne facebook account ko secure karke data hack ya misuse hone se bacha sakte hain.

Is post me aap 6 points padhenge jisse aapko facebook account secure karne me kafi help milegi.

facebook account

6 Best Points
Facebook Account
Secure Banane Ke Liye

1. Logged Devices

At first hame ye pata hona chahiye ki hamne kis kis device par Facebook account access kiya hai. Jaise ki mobiles, laptop, computer ya fir tablet jahan bhi hamne abhi tak facebook login kiya hai, woh sabhi devices hame pata hona chahiye. Jisse hame pata chal jayega hamari devices ke alawa or konsi device hain jis par Facebook account login hua hai.

Iske liye login karke ‘Security and login‘ par jaaye. Isme aapko ‘where you are logged in‘ section dikhayi dega. Isme aapko un sabhi devices ki list mil jayegi jispar aapne Facebook Account login kiye hain. Isme agar aapko kuchh aisi device milti hai jo aapki nahi hai toh aapko pata chal jayega ki kisi other person ne aapka account login kiya hai. Iske liye aap ‘log out of all sessions‘ select karke firse apni device par fresh login karke Facebook account secure kar sakte hain.

2. Protect Your Profile Picture

Facebook Account ki pehchaan ke liye profile picture use ki jaati hai, jisme maximum user apni picture lagate hain, jisko use karke koi bhi user aapke name se fake account bana sakta hai. Isliye ye jaruri hai ki ham apna facebook account secure karne ke liye apni profile picture ko bhi secure rakhe.

Iske liye apni profile picture open kare. Iske baad option me ‘turn on profile picture guard‘ select kare. Apki profile picture secure ho jayegi or koi bhi user isko download ya share nahi kar sakega.

3. Control Your Privacy

Facebook Account secure rakhne ke liye apni privacy ko control karna bahut jaruri hai. Iske liye facebook ke left panel me ‘your facebook information‘ tab dikhayi dega. Is page par aaapko apne account se related saari information mil jayegi.

Is single page par aap Photos, Like, Comments or Post ke baare me information dekh sakte hain. Yahan par activity log ko bhi manage kar sakte hain or ye bhi decide kar sakte hain ki aapki timeline par konsi activities aap friends ko dikhana chahte hain or konsi nahi. Apni privacy ko secure rakhne ka ye bahut hi easy tarika hai jo Facebook ne aapko available kiya hai.

 

4. Authenticate Your Friends

Sabse jyaada problem hame tab hoti hai jab hamara facebook lock ho jaata hai or ham login nahi kar paate hain. Jab kabhi koi hamara Facebook account hack karne ya illegal access karne ki kosish karta hai tab Facebook hamara account lock kar deta hai. Ya fir jab ham apna password bhul jaate hain Jise baad me recover karna kafi mushkil hota hai jiske baare me aap meri post bhi padh chuke honge. Read This Facebook password kaise recover kare

Lekin ab Facebook ne recovery process ko aasan banate huey friends authentication start kiya hai. Iske liye aapko security and login me jaakar apne three friends ko select karke save karna hai. Iske baad jab bhi aapka Facebook Account lock ho jayega toh facebook aapse save kiye gaye friends ko select karne ke liye kahega, jiske baad aapke friends ke paas verification code pahunch jayega jise woh aapko send karega jisse aap apna lock account unlock kar payenge.

5. Manage Facebook Data

Ek or best security Facebook ne ye provide ki hai ki aap apne data ko manage kar sakte hain. Facebook aapko ye control deta hai ki facebook aapka kitna data use kar sakta or kahan kar sakta hai. Iske liye aapko ‘manage your data‘ option par jaakar setting karna hai.

Besides this aap location control kar sakte hain, or is section me aap upload kiye gaye contacts ko bhi manage kar sakte hain.

6. Third Party Login

Last me aapka dhyaan me ek or baat ki taraf laana chahta hun jiski taraf ham dhyaan nahi dete hain. Woh ye hai ki aajkal many sites login karne ke liye Facebook Account ka use karne ke liye kehti hain or ham bhi new account signup karne ki pareshani se bachne ke liye facebook se login kar lete hain. Security views ke according ye kafi risky hota hai.

Lekin jab hame in sites ya apps ki jarurat nahi hoti hai tab ham facebook login ko revoke karna bhul jaate hain. Agar aap bhi many apps or sites par facebook login kar chuke hain toh revoke karne ke liye facebook setting me jaakar ‘apps or websites‘ open kare. Yahan par aapko list mil jayegi jisme aap dekh sakte hain ki aapne kis sites or apps par login kiya hua hai. Aap un sabhi login ko remove kar sakte hain.

 

Friends meri aapko yehi advice hai ki aap in tips par jarur focus kare or Facebook account hamesha secure rakhe jisse in future aapko hacking or account block ki problem naa ho. Security se related agar aap bhi koi tips dena chahte hain toh jarur comments kare.

qureshiinfotech
Hi friends welcome to my blog I am very pleased to help other people
so I start this blog. If you have any query about Blogging, Technology, SEO, Make Money Online Tips, Adsense, Affiliate Marketing, Wordpress
etc. so you contact me any time on fb.com/qureshiinfotech and on twitter.com/qureshiinfotech

Comments

  1. Reply

Leave a Reply

Your email address will not be published. Required fields are marked *