Facebook Par Ye 5 Status Kabhi Share Naa Kare

Do Not Share This Status On Facebook

Friends aajkal dost banane ka sabse achha tarika facebook par hai, jise chaho request send karo or jiski chaho request accept karo aapke facebook par friends list badhti jayegi. Iske baad sharing sharing or sharing.

Lekin kya kabhi hamne socha hai ki kon friends hamare baare me Facebook parĀ  hamari saari information collect kar raha hai ya kon hai jo hamare daily status par najar rakh raha hai or uska iraada kya hai. Aisey me hamare saath hamari family ki security bhi risky ho sakti hai. Isliye Facebook par kuchh bhi share karne se pehle hame sochna jarur chahiye ki isko share karne se mujhe ya meri family or other friends ko koi nuksaan toh nahi hai. Also Read Facebook Account password ko recover kaise kare

Aaj is post me ham is point of view par hi baat karenge ki woh kon si 5 things ya status hai jo hame Facebook par share nahi karna chahiye.

Facebook par hang hona aajkal aam baat hai. Jab bhi ham is social media ka use karte hain toh ham ya toh chatting karte hain ya fir photo upload kar rahe hote hain ya fir kisi quiz me apni information share karte hain. Kyonki ham sochte hain ki hamne privacy settings ko update kar rakha hai Isliye hame koi problem nahi hai. Lekin aap ye nahi jaante hain kon aapki personal information collect kar raha hai jiska misused ho sakta hai.

Isliye aaj me aapko 5 things ke baare me alert kar raha hun jisko share karne se pehle aapko ek baar sochna jarur chahiye.

facebook par

Facebook Par Kya Share Naa Kare

 

1. Location Tag

Facebook par many user ko apni current location tag karna bahut achha lagta hai ki me is time yahan par hun ya meri family yahan vacation enjoy kar rahi hai. Lekin kya kabhi aapne socha hai ki aap apni location tag karke friends ko bata rahe hain ya fir choron ko daawat de rahe hain.

Kai log toh ye bhi share kar dete hain ki kitne din ke liye bahar jaa rahe hain iske baad ham ye bhi nahi sochte hain ki koi bhi hamare ghar par haath saaf kar sakta hai. Isliye kabhi bhi apni location share naa kare. Agar apni holiday photos ko share karna hi chahte hain toh wapas aane ke baad kar sakte hain.

2. Jab Bachhe Ghar Par Akele Ho

Is baat ka toh aapko bahut hi dhyaan rakhna hai ki kabhi bhi jab aapke bachhe ghar par akele ho toh unko tag karke post naa kare. Kyonki ham sochte hain ki hamari post sirf hamare friends dekh rahe hain toh aap galat hai. Aapke ghar par kisi ajnabi ki nazar bhi ho sakti hai jo bachhe ko ghar par akela pakar nuksaan pahuncha sakta hai.

Jaise ki agar aapne kisi friends ko facebook par bachho ki location share kiya or us friend ka Facebook account hack ho gaya toh hackers aapke bachho ki location track kar sakta hai. Isliye is status ko bhi Facebook par share karne se bache.

3. Relationships

Sabse jyaada jo status ham show karte hain woh relationship statushota hai. Aapne bhi notice kiya hoga ki ham or kuchh show kare ya na kare ye jarur show karte hain ki ham single hain. Ye status specially ladies ke liye risky ho sakta hai, kyonki iskw baad koi bhi ajnabi ye janne ki koshish karne lagta hai ki aap ghar me kitni der akeli rehti hai ya aapke saath or kon rehta hai.

Isliye jab bhi relationship status ki baat aaye toh is box ko blank rehne dey.

 

4. Birth Date

Aap soch rahe honge ki birth date share karne me kya pareshaani ho sakti hai, iske liye me aapko bata dun ki agar aapko apni full birth date batane me khusi hoti hai toh ye aapke liye pareshaani ki wajah bhi ban sakti hai. Kaise ?

Iska jawab ye hai ki ham password banane me kai baar birthday ka use karte hain or us birthday ko ham apne status me show bhi karte hain jisse account hack hone ka khatra jyaada ho jaata hai. Isliye agar aapko birth date show karna hai toh apna day or month share kare year ko show naa kare. Or waise bhi jo aapke best friends hain woh toh aapka birthday already jaante hi honge.

5. Photos

Ab aap kahenge ki kya photo bhi share naa kare. Me aapko ye nahi kahunga ki photo bhi share naa kare, khub kare or jyaada kare but is baat ka dhyaan rakhe ki kabhi bhi apne bachho ke photo name ke saath tag naa kare. Hamari galti yehi hoti hai ki ham apni photos specially bachho ki photo ko name ke saath tag karke share kar dete hain. Many times profile picture hi bachho ko hoti hai, or kai baar toh baccha delivery ke baad hospital se ghar nahi aata ussey pehle woh Facebook par aa jaata hai.

Aisa karne se ham bachhe ko musibat me daal sakte hain, bachhe ke naam ka fayda uthakar koi bhi bachhe ko naam se pukar kar behla sakta hai ya or koi galat fayda utha sakta hai. Isliye bachho ko photo me name ke saath tag naa kare.

Final Words

Social media par hame jo bhi share karna hai woh hamesha soch samajh kar share karna hai ye dekhkar share karna hai ki iska hamari family, relatives ya other friends par kya fark padh raha hai. I hope ki aapko ye post jarur pasand ayegi apne vichar jarur share kare, or facebook page ko like karna naa bhule

qureshiinfotech
Hi friends welcome to my blog I am very pleased to help other people
so I start this blog. If you have any query about Blogging, Technology, SEO, Make Money Online Tips, Adsense, Affiliate Marketing, Wordpress
etc. so you contact me any time on fb.com/qureshiinfotech and on twitter.com/qureshiinfotech

Leave a Reply

Your email address will not be published. Required fields are marked *