New Bloggers Ke Liye 10 Blogging Tips

Hindi Blog Ke Liye Best Blogging Tips

Daily hazaron new blog create hote hain but inme se kuchh hi hote hain jo success hote hain. New bloggers ke liye blogging karna aasan nahi hota hai, kyonki hame basic tips ki jaankari nahi hoti hai.

But agar ham starting se hi new blog ke sabhi success topic ko cover kare toh ham blogging ko lekar jo hamare dreams hain woh pure kar sakte hain. Isliye aaj me new bloggers ke liye best blog tips de raha hun. Also Read Website par traffic kaise laye straight method

Jab bhi newbies blog start karte hain toh woh starting me hi mistakes karna start kar dete hain, jisse blog ko manage karna mushkil ho jaata hai. Isliye agar aap pro blogger tips ko padhkar aage badhenge toh aapko mushkil ka saamna nahi karna padhega.

 

 

New Bloggers ke liye sikhne ki koi limit nahi hai. Isliye jahan bhi aapko best blogging tips mile jarur padhe or follow bhi kare.

 

new bloggers ke liye

10 Killer Tips New Bloggers Ke Liye

1. Passion

Sabse pehli tips agar aap blogging start kar rahe hain toh aapko patience of passion dono rules follow karna hai. Topic/Niche aisa select kare jiske liye aap passionate ho. Kyonki hame jis field me interest hota hai ham usme best dene ki koshish karte hain. Also Read 7 Successful blog topic blogging start karne ke liye

Dusri baat yeh ki ye soch kar blogging start naa kare ki aapko paise kamana hai priority ye rakhe ki aapko apni audience banana hai paisa toh apne aap banne lagega. Lekin fir bhi agar aap paise kamane ke liye blogging karna chahte hain toh Marketing kare Blogging nahi. Also Read Kya blogging se paise kama sakte hain

2. Strategy

Agar bina kisi target ke ham blogging karenge toh success nahi ho sakte hain. New blogger hamesha is baat ka dhyaan rakhe ki blogging ke liye schedule jarur banaye. Jaise ki aapko kab post likhna hai, kitne din me ek post publish karna hai, kab other bloggers ko read karna hai, kab blog ki marketing karna hai etc.

Agar aap apne blog se paise kamana chahte hain toh aapko apne new blog ko ek business ki tarah treat karna hoga. Agar aap blogging ko business ki tarha schedule banakar karenge toh bahut jaldi aapko success milne lagegi.

 

 

3. Link Strategy

Search Engine me high page rank ke liye new bloggers ko link building strategy ki taraf bhi focus karna padhega. Kyonki ek blog ke liye ye bahut important hai ki aapke backlinks kitne valuable hain. Isliye jahan tak ho sake daily link building process par bhi dhyaan dey. Also Read Hindi blog ke liye backlinks kaise banaye

Iske liye sabse easy tarika guest post or comments hain. Isliye jab bhi aapko kisi other blog pasand aaye toh comments jarur kare.

4. Social Media Strategy

Ham sabhi social media sites ka use karte hi hain specially Facebook. Iska use ham traffic generate karne ke liye kar sakte hain. Pehle traffic ke liye Search engine par depene rehna padhta thaa, but ab hamare paas various social media platforms available hain jinke liye ham strategy banakar traffic divert kar sakte hain. Also Read Social Media sites par blog ko promote kaise kare

Agar ham Facebook, StumbleUpon, Pinterest, Twitter or Digg jaisi sites ka use kare toh social media se kaafi achha traffiic generate kar sakte hain. Me new blogger ko suggest karunga ki har social media sites par apne blog se related page or profile jarur banaye. Ye bhi dhyaan rakhe ki social media use karne se hamare blog ki ranking bhi badhti hai. Also Read Pinterest use karke blog traffic kaise badhaye

5. Unique And Original

Ye sabse main point hai jo hame dhyaan rakhna hai ki ham jo bhi content produce kare woh unique or original hona jaruri hai. Content se hi hamare blog ki pehchaan hoti hai. Agar ham copy karke likhenge toh readers original post padhna pasand karenge hamari duplicate nahi.

Google ko bhi unique or informative content pasand hai, isliye hame blog ko high ranking par laana hai toh content par jyada focus karna padhega waise bhi aapne padha hi hoga “content is the king“. Isliye apne blog par high quality article likhe or jahan jarurat padhe other blog ka reference bhi jarur dey.

6. Comments And Reply

Commenting other bloggers se relationship banane ka sabse best option hai. Niche related blog par comments karke ham apne new blog ke liye backlinks bhi bana sakte hain or interact bhi kar sakte hai

Waise hi jab koi hamare blog par comments kare toh reply bhi jarur kare or jaldi kare. Jisse woh baar baar aapke blog par comments karne ke liye engage rahe.

7. Guest Post

New Bloggers ke liye bahut jaruri hai ki ham apne blog ke liye audience tayyar kare. Lekin new blog ki jaldi pehchaan nahi banti hai, but agar ham high ranking niche/topic related blog par guest post kare toh hamare liye pehchaan banana aasan ho jaata hai.

Isliye aisey blog search kare jo guest post accept karte hain or aapke blog topic se related hain or jinka traffic bhi jyaada ho jisse aapki guest post padhkar aapke blog par traffic divert ho jaaye.

 

 

8. Readers Ke Liye Likhe

Me sabhi new bloggers ke liye suggest karunga ki jo bhi post likhe woh readers ke liye likhe. Jabki hota ye hai ki newbies Seo ke baare me padhkar search engine ke according likhna shuru kar dete hain. Jisse aapko traffic toh mil jaata hai but audience build nahi ho paati hai.

Aap jis niche ya subject ko follow kar rahe hain uske saare topic par likhne ki koshish kare jaise ki agar aap “Blogging” par likh rahe hain toh is topic se related sabhi query cover karne ki koshish kare.

9. Blog Design

New blogger sabse badi mistake ye karte hain ki woh blog layout or design par dhyaan nahi dete hain. Bas blog banaya or post publish karna shuru kar dete hain. Jab koi visitor first time blog par aata hai toh woh post bhi padhta hai or aapke blog ka design bhi dekhta hai.

Blog ka layout visitors ko bahut impress karta hai. Agar aap heavy design or irritating colors use karenge toh visitors irritate honge, heavy material hone se page load hone me time bhi lagega. Isliye blog navigation ko easy or theme ko user friendly rakhne ki jarur koshish kare. Also Read Blog ki loading speed kaise badhaye

10. Use Niche Related Blog Title

Ye points me new bloggers ke liye apne experience se share kar raha hun ki blog title ko apne blog subject ke according rakhe toh blog ko bahut jaldi success bana sakte hain. Kyonki mere blog ka title topic related nahi hai. Isliye mujhe search engine ko impress karne ke liye bahut jyaada mehnat karna padhi.

Seo friendly or user friendly title hone se traffic jaldi gain hone lagta hai, jaisa ki mere ek or blog Hindilifesolution par mujhe traffic mil raha hai. Iska title seo friendly hai kyonki isme keywords include hai.

Me ummid karta hun ki ye 10 tips new bloggers ke liye jarur useful honge or in tips ko follow karke aap apne blog ko ek perfect brand banane me safal honge.

qureshiinfotech
Hi friends welcome to my blog I am very pleased to help other people
so I start this blog. If you have any query about Blogging, Technology, SEO, Make Money Online Tips, Adsense, Affiliate Marketing, Wordpress
etc. so you contact me any time on fb.com/qureshiinfotech and on twitter.com/qureshiinfotech

Comments

  1. By यादविंदर सिंह

    Reply

    • Reply

Leave a Reply

Your email address will not be published. Required fields are marked *