National Saving Certificate Me Kaise Invest Kare

National Saving Certificates Full Detail Hindi Me

Aaj me aapko ek or best saving scheme ke baare me bata raha hun. Agar aap Mutual Funds ya fir Fixed Deposit jaisi scheme me paise nahi lagana chahte hain toh National Saving Certificate aapke liye best option hai. Also Read Paytm Se Mutual Funds Me Kaise Invest Kare

Is Government scheme me aapko tax deduction ke saath jyada interest rates bhi milta hai. Salary based logo ke liye ye bahut hi achhi scheme hai, jo apni salary me se jyada invest nahi kar sakte hain.

National Saving Certificate Interest Rate 2019

Indian Government ne national saving certificates par October 2018 se interest rate 8% kar diya hai. Ye interest rate aapko bank ki kisi bhi yojna me nahi milega. Isliye ye scheme middle class family ke liye bahut achha option hai jisme woh aane wale time ke liye achhi bachat kar sakte hain. Also Read Internet Data Ki Bachat Kaise Kare
Aap isme jitna bhi invest karte hain uspar every year ke hisaab se aapko compound interest milta hai. Jisse aapko or jyada fayda milta hai. Also Read Post Office Ke Best Saving Plan
National Saving Certificate scheme

National Saving Certificate Yojna Me Apply Kaise Kare

Iske liye aap apne nearest Post Office jaaye or NSC (National Saving Certificate) Form bharkar saving scheme ke liye apply kare. NSC purchase karne ke liye koi limit nahi hai aap jitne chahe saving certificates kharid sakte hain.
Ham apne bachho ke name se bhi saving certificate post office se purchase kar sakte hain. Government scheme hone ki wajah se ye bilkul risk free hai. Also Read Gold Bond Scheme Me Kaise Invest Kare

NSC Me Invest Karne Ke Liye Documents

Is Government scheme me paise invest karna bahut aasan hai iske liye aapko neeche diye gaye document ki jarurat padhegi
  • Aadhar Card
  • Voter Id
  • Pan Card
  • Ration Card
me se kisi ek document ki copy or original saath lekar jaaye.
Or agar aap check se payment karna chahte hain toh check us Post Office ke name se banaye jahan se aap NSC purchase karna chahte hain.
Iske alawa agar aapka account post office me hai toh aap apne account se bhi national saving certificates kharid sakte hain.

National Saving Certificate Maturity

NSC ki maturity Five years ki hoti hai. Yaani ki isme aapko 5 saal ke liye invest karn hota hai. Lekin agar aapko 1 saal ke baad jarurat padh jaye toh aap saving certificate dekar paise nikal sakte ho. But iske liye aapko penalty dena padhegi.
For example agar aap NSC scheme me 1,00,000 Rs. invest karte hain toh Five years ke baad aapko approx 1,47,000 Rs Milenge.
Isme aapko Income Tax Act 80c ke according tax discount bhi milta hai. Yaani ki aap saving karne ke saath Tax bhi bacha sakte hain. Lekin ye discount aapko 1.50 Lakh tak ke investment par hi milta hai. Also Read Smartphone Use Karne Ki 10 Interesting Tips

National Saving Certificate Ke Kya Fayde Hain

  1. Agar aap long term investment karna chahte hain toh is scheme me jarur invest kare.
  2. sme aapko Fixed Deposit scheme ki tarha certificate milta hai. Agar ye certificates gum ho jaaye toh aap ID Proof lekar post office jaye aapko naya saving certificate mil jayega.
  3. Agar aap chahe toh is certificate ko deposit karke Loan bhi ley sakte hain. Iski guarantee par koi bhi bank ya financial company aapko loan de sakti hai.
  4. Or agar aap chahe toh isko other person ko transfer bhi kar sakte hain.
  5. Maturity complete hone par agar aap withdrawal nahi karte hain toh aapko baki time ke liye normally interest milega is scheme ka interest nahi milega.
  6. 18 year se kam age wale agar National Saving scheme me invest karna chahte hain toh woh apne perents ke name se investment kar sakte hain.
Me ummid karta hun ki meri ye post aapko future planning ke liye National Saving Certificate scheme me invest karne ke liye inspired karegi. Or jyada detail ke liye aap apne nearest Post Office par contact kar sakte hain ya fir online scheme form download karne ke liye Indiapost.gov.in par visit kare.
Aapko ye post kaisi lagi jarur bataye, or apne friends or relative ko bhi national saving scheme ke baare me batane ke liye share jarur kare.
qureshiinfotech
Hi friends welcome to my blog I am very pleased to help other people
so I start this blog. If you have any query about Blogging, Technology, SEO, Make Money Online Tips, Adsense, Affiliate Marketing, Wordpress
etc. so you contact me any time on fb.com/qureshiinfotech and on twitter.com/qureshiinfotech

Comments

  1. Reply

Leave a Reply

Your email address will not be published. Required fields are marked *